TopTop
Begin typing your search above and press return to search.

'66 ഇങ്ങിനെയായിരുന്നപ്പോഴും 69 ഇങ്ങിനെയായപ്പോളും ഇങ്ങേര് ഇങ്ങിനെ തന്നെ, ഇനി "99"ഇങ്ങിനെയുമായാവും, അപ്പോളും ഇങ്ങിനെ തന്നെയായിരിക്കും'

66 ഇങ്ങിനെയായിരുന്നപ്പോഴും 69 ഇങ്ങിനെയായപ്പോളും ഇങ്ങേര് ഇങ്ങിനെ തന്നെ, ഇനി 99ഇങ്ങിനെയുമായാവും, അപ്പോളും ഇങ്ങിനെ തന്നെയായിരിക്കും

മലയാളത്തിന്റെ പ്രിയ താരം മമ്മുട്ടിക്ക് ജന്മദിനം. പ്രമുഖരുൾപ്പെടെ നിരവധി പേരാണ് അദ്ദേഹത്തിന് ആശംസകൾ അർപ്പിച്ചുകൊണ്ട് പ്രതികരിക്കുന്നത്. മലയാളിത്തിലെ യുവതാരങ്ങൾ മുതൽ ഇന്ത്യൻ സിനിമയിലെ പ്രമുഖർ വരെ അദ്ദേഹത്തിന് അതിരാവിലെ തന്നെ ആശംസകൾ അറിയിച്ചുകഴിഞ്ഞു.

പ്രായം തളർത്താത്ത ലുക്ക്. മമ്മുട്ടിയെ അടയാളപ്പെടുത്തുന്ന ഒന്നാണിത്. ലോക്ക്ഡൗൺ കാലത്തിന് ശേഷം അദ്ദേഹം അടുത്തിടെ പങ്കുവച്ച ഫോട്ടോ ഇതിന് ഉദാഹരണമായിരുന്നു. മമ്മുട്ടിയുടെ ഈ ലൂക്കിനെ പരാമർശിച്ചുകൊണ്ട് അദ്ദേഹത്തിന് പിറന്നാൾ ആശംസകൾ നേരുകയാണ് സലീം കുമാർ. ഫേസ്ബുക്കിൽ പങ്കുവച്ച കുറിപ്പിൽ പ്രായം മമ്മുട്ടിക്ക് വെറുമൊരു നമ്പറാണെന്നാണ് സലീം കുമാർ ചൂണ്ടിക്കാട്ടുന്നത്.

"66"ഇത്‌ ഇങ്ങിനെയായിരുന്നപ്പോഴും ഇങ്ങേര് ഇങ്ങിനെ തന്നെയായിരുന്നു. ഇപ്പോൾ "69"ഇത് ഇങ്ങിനെയായപ്പോളും ഇങ്ങേര് ഇങ്ങിനെ തന്നെയാണ് ഇനി ഇത് "96" ഇങ്ങിനെയും "99"ഇങ്ങിനെയുമൊക്കെയാവും അപ്പോളും ഇങ്ങേര് ഇങ്ങിനെ തന്നെയായിരിക്കും, അത് ഇങ്ങേരും, അങ്ങേരും തമ്മിലുള്ള ഒരു ഇത് ആണ്. എന്നാണ് സലീം കുമാറിന്റെ പ്രതികരണം. താരത്തിന്റെ പോസ്റ്റ് ഇതിനോടകം തന്നെ വലിയ തോതിൽ‌ പങ്കുവച്ച് കഴിഞ്ഞിട്ടുണ്ട്.


മമ്മുട്ടി എന്ന വ്യക്തി തങ്ങളിൽ എത്രത്തോളം സ്വാധീനം ചെലുത്തിയിരുന്നു എന്ന് വ്യക്തമാക്കുന്നതാണ് മിക്ക താരങ്ങളുടെയും പോസ്റ്റിന്റെ ഉള്ളടക്കം. ഹാസ്യ വേഷങ്ങളിലുടെ ശ്രദ്ധേയനായി നിർമൽ പാലാഴി പറയുന്നത് ഇത്തരം ഒരു അനുഭവമാണ്.

നിർമൽ പാലാഴിയുടെ പോസ്റ്റ് -

#mammukka ജീവിതത്തിൽ ആദ്യം തീയേറ്ററിൽ പോയികണ്ട സിനിമ "കാർണിവെൽ" പാലഴിയിൽ പ്രീസീദ് തിയേറ്റർ ഉൽഘാടനം ദിവസം തന്നെ അച്ഛന്റെ കൂടെ 6 30 ന്റെ ഷോക്ക്. ആശാനേ... എന്ന് സിദ്ധിക്ക വിളിക്കുമ്പോ മമ്മുക്ക ഓടിന്ന് വില്ലന്മാരെ അടിച്ചു ഒതുക്കുമ്പോൾ പരിസരം മറന്ന് ആർപ്പ് വിളിച്ചിരുന്നു "ഒരു നാലു നാളായ് എൻന്റെയുള്ളിൽ തീയാണ് " എന്ന പാട്ട് കേൾക്കുമ്പോൾ ഇപ്പോഴും ആ പഴയ കാലം ഓർമ്മയിൽ വരും മമ്മുക്ക പുതിയ പാന്റ് ഇട്ട് ജാടയിൽ വന്ന് ബൈക്കിൽ കയറി പാന്റിന്റെ മൂഡ് കീറുന്നതും🤣 മരണ കിണറിൽ ബൈക്ക് ഓടിക്കുമ്പോൾ അറിയാവുന്ന ദൈവങ്ങളെ വിളിച്ചു പ്രാര്ഥിച്ചതും എല്ലാം ഇപ്പോഴും നിറം മങ്ങാതെ ഓർമ്മയിൽ ഉണ്ട്😍 ഉള്ളിൽ ഒരു മിമിക്രി കാരൻ തലപൊക്കി തുടങ്ങിയപ്പോൾ അനുകരിക്കാൻ ഉള്ള സാഹസികതയും ഞാൻ കാണിച്ചിരുന്നു 'ചന്തുവിനെ തോൽപ്പിക്കാൻ ആവില്ല മക്കളെ ചന്തുവിനിപ്പോൾ ട്യൂഷ്യൻഉണ്ട്‌" മിമിക്രി കേസെറ്റിൽ നിന്ന് കേട്ട ഡയലോഗ് ആയിരുന്നു തുടക്കത്തിൽ ചെയ്തിരുന്നത് പിനീട് "മഴയെത്തും മുന്നേ എന്ന സിനിമയിലെ പാട്ടിന്റെ ഇടയിലൂടെ ഉള്ള ഡയലോഗ് ബ്രിട്ടനിലെ ഒരു സായിപ്പ് കണ്ട് പിടിച്ചത പെണ്ണുങ്ങളുടെ മനസ്സറിയാനുള്ള യന്ത്രം ഹ അതിങ് വരട്ടെ നിങ്ങളുടെയൊക്കെ ഉള്ളിലിരിപ്പ് എന്താന് അറിയാലോ " അതിന് ശേഷം പ്രിയ സുഹൃത് അബ്‌ദുൾ റഹ്മാൻ ഒരു പേപ്പറിൽ എഴുതിതന്ന കിംഗ്‌ സിനിമയിലെ കുറച്ച് ഇന്ഗ്ലിഷ്‌ കൂടിയ ഡയലോഗ് ഇന്ഗ്ലിഷ്‌ ഉള്ളത്‌ കൊണ്ടാട്ടോ എഴുതി പഠിക്കേണ്ടി വന്നത് അങ്ങനെ അനുകരിച്ചും ആരാധിച്ചും നടന്നിരുന്ന കുട്ടിക്കാലം എല്ലാ മലയാളികളെയും പോലെ ഏട്ടാ കൂട്ടി ലാലേട്ടനെയും ഇക്ക കൂട്ടി മമുക്കയെയും നമ്മുടെ സ്വന്തം എന്ന സ്വാർത്ഥതയിൽ സ്നേഹിക്കുന്നു അന്നും ഇന്നും 😍.സിനിമ സ്വപ്നം ആയി മാറിയപ്പോൾ വേഷം, പരുന്ത്, സിനിമകളുടെ കോഴിക്കോട് ഉള്ള ഒരു വിധം ലൊക്കേഷനിൽ എല്ലാം പോയിട്ടുണ്ട് മമ്മുക്കയെ ഒന്ന്‌ നേരിൽ കാണാൻ അന്നൊന്നും പറ്റിയില്ല വിനോദ് ഏട്ടൻ പരുന്ത് സിനിമയിൽ ചെറിയ വേഷം അഭിനയിച്ചപ്പോൾ മൂപ്പരുടെ വീട്ടിൽ പോയി മമ്മുക്കയുടെ കൂടെ അഭിനയിച്ച വിശേഷങ്ങൾ കൊതിയോടെയും കുറച്ചു അസൂയയോടെയും കേട്ടു നിന്നിട്ടുണ്ട്. ഒരുപാട് ഒരുപാട് ആഗ്രഹിച്ചത് കൊണ്ടും അതിന്‌ വേണ്ടി പരിശ്രമിച്ചത് കൊണ്ടും ദൈവത്തിന്റെ അനുഗ്രഹം കൊണ്ടും ഒരുപാട് ഒരുപാട് ദൂരെ നിന്ന് നോക്കിയ ഒരു സാധാരണക്കാരൻ ആയ ഈ പാലാഴികാരനെ മമ്മുക്കക്ക്ഇപ്പോൾ പേര് പറഞ്ഞാൽ മനസ്സിലവുന്ന ഒരു ബന്ധത്തിൽ എത്തി 😍😍 പുത്തൻ പണം ലൊക്കേഷനിൽ വച്ചു ആദ്യം കണ്ടപ്പോൾ ഞാൻ അടുത്തേക്ക് പോയി മമ്മുക്ക എന്ന് വിളിച്ചപ്പോൾ ഹാ നീ ഉണ്ടോടാ ഇതില് എന്ന് പറഞ്ഞപ്പോൾ ഞാൻ അതിശയ പെട്ടു കാരണം മമ്മുക്കയുടെ അറിവോടെ ആണ് ഞാനും സിറാജ്ക്കയും എല്ലാം ആ പടത്തിൽ ചെയ്തത് 😍.എന്തെങ്കിലും വിശേഷങ്ങൾ ഉണ്ടെങ്കിൽ മെസേജ് അയക്കറുണ്ട് അവിടുന്ന് കിട്ടുന്ന റീപ്ലൈ അതിന്റെ സന്തോഷം എന്തെന്ന് പറഞ്ഞറിയിക്കാൻ പറ്റില്ല. കോവിഡ് കാലത്ത് വീട്ടിൽ റൂമിൽ കിടന്ന് ചെറിയൊരു ഉറക്കത്തിലേക്ക് പോയ് കൊണ്ടിരിക്കുമ്പോൾ ഫോൺ ബെല്ലടിച്ചു ഉറക്കത്തിന്റെ മൂഡിൽ ഫോണ് എടുത്ത് നോക്കിയപ്പോൾ മമ്മുക്ക 😍 ഒറ്റയടിക്ക് ചാടി എണീറ്റ് പുറത്തേക്ക് ഓടി റെയ്ഞ്ച് കട്ടായി പോവാതെ ഇരിക്കാൻ വേണ്ടിയിട്ട വിശേഷങ്ങൾ ചോദിച്ചറിഞ്ഞു "സുഖമല്ലേ അവിടെ കുഴപ്പം ഒന്നും ഇല്ലല്ലോ വീട്ടിൽ അടങ്ങി ഇരിക്ക് ട്ടോ ഇനി പഴയ പോലെ വണ്ടിയെടുത്ത്‌ കറങ്ങി എവിടേലും പോയി വീഴേണ്ട" ഇല്ല മമ്മുക്ക ഇല്ല ഇല്ല... ഫോൺ കട്ടാക്കി കഴിഞ്ഞപ്പോഴും ഇല്ല മമ്മുക്ക ഇല്ല ഇല്ല ഇല്ല... തുടർന്ന് പോയി 🤣🤣🤣🤣അത്രക്കും ഉണ്ടായിരുന്നു ആ സന്തോഷം പറയാനും എഴുതാനും ഒരുപാട് ഉണ്ട് പറഞ്ഞാൽ തീരില്ല അതുകൊണ്ട് വന്ന കാര്യം പറയുന്നു "ഇൻഡ്യൻ സിനിമയുടെ മഹാനടൻ മലയാളത്തിന്റെ അഭിമാനം പത്മശ്രീ ഡോക്ടർ ഭാരത് മമുക്കക്ക് ഈ എളിയ കലാകാരന്റെ പിറന്നാൾ ആശംസകൾ 😍🎂🎂🎈🎉🎊🎈🎂🎂😍









Next Story

Related Stories