TopTop

ആറാം മത്സരത്തിലും ജയമില്ല; ബാംഗ്ലൂരിന് നാണക്കേടിന്റെ റെക്കോര്‍ഡ്

ആറാം മത്സരത്തിലും ജയമില്ല; ബാംഗ്ലൂരിന് നാണക്കേടിന്റെ റെക്കോര്‍ഡ്
ഐപിഎല്ലില്‍ നാണക്കേടിന്റെ റെക്കോര്‍ഡ് സ്വന്തമാക്കി വിരാട് കോഹ്‌ലി നയിക്കുന്ന റോയല്‍ ചലഞ്ചേഴ്‌സ് ബാംഗ്ലൂര്‍. തുടര്‍ച്ചയായ ആറാം തോല്‍വിയാണ് റോയല്‍ ചലഞ്ചേഴ്സ് ബാംഗ്ലൂര്‍ ഇന്നലെ വഴങ്ങിയത്. സീസണിന്റെ തുടക്കത്തിലെ ആറ് മത്സരങ്ങളിലും ഒരു ടീം പരാജയപ്പെടുന്നത് ഇത് രണ്ടാം തവണയാണ്. 2013ല്‍ ഡല്‍ഹി ഡെയര്‍ഡെവിള്‍സ്(ഡല്‍ഹി കാപിറ്റല്‍സ്) ആദ്യ ആറ് മത്സരങ്ങളിലും തോല്‍വി അറിഞ്ഞിരുന്നു. ഈ ഡല്‍ഹിയോട് തോറ്റാണ് ബാംഗ്ലൂര്‍ നാണക്കേടിന്റെ റെക്കോര്‍ഡിലെത്തിയത്.

ഡല്‍ഹി കാപിറ്റല്‍സ് നാല് വിക്കറ്റിനാണ് ബാംഗ്ലൂരിനെ തോല്‍പിച്ചത്‌. ബാംഗ്ലൂര്‍ ഉയര്‍ത്തിയ 150 റണ്‍സ് വിജയലക്ഷ്യം ഏഴ് പന്ത് ബാക്കിനില്‍ക്കേ ഡല്‍ഹി സ്വന്തമാക്കി. അര്‍ദ്ധ സെഞ്ചുറി നേടിയ ശ്രേയസും(67) നാല് വിക്കറ്റുമായി റബാഡയുമാണ് വിജയശില്‍പികള്‍. ചിന്നസ്വാമി സ്റ്റേഡിയത്തില്‍ ആദ്യം ബാറ്റ് ചെയ്ത റോയല്‍ ചലഞ്ചേഴ്സ് ബാംഗ്ലൂര്‍ 20 ഓവറില്‍ എട്ട് വിക്കറ്റിന് 149 റണ്‍സെടുത്തു. വിരാട് കോലിയാണ്(41) ബാംഗ്ലൂരിന്റെ ടോപ് സ്‌കോറര്‍.

Next Story

Related Stories