TopTop
Begin typing your search above and press return to search.

സ്‌പോര്‍ട്‌സ് കൗണ്‍സില്‍ പ്രസിഡന്റായി ഒളിമ്പ്യന്‍ മേഴ്‌സികുട്ടനെ തെരഞ്ഞെടുത്തു

സ്‌പോര്‍ട്‌സ് കൗണ്‍സില്‍ പ്രസിഡന്റായി ഒളിമ്പ്യന്‍ മേഴ്‌സികുട്ടനെ തെരഞ്ഞെടുത്തു

സംസ്ഥാന സ്‌പോര്‍ട്‌സ് കൗണ്‍സില്‍ പ്രസിഡന്റായി ഒളിമ്പ്യന്‍ മേഴ്‌സികുട്ടനെ തെരഞ്ഞെടുത്തു. കായിക സംഘടനകളുടെ തലപ്പത്ത് കായിക താരം തന്നെ വരണമെന്ന നിര്‍ദേശത്തെ തുടര്‍ന്നാണിത്. വൈസ് പ്രസിഡിന്റിനെയും സ്റ്റാന്റിങ് കമ്മിറ്റി അംഗങ്ങളെയും നേരത്തെ തെരഞ്ഞെടുത്തിരുന്നു.

നിലവില്‍ സംസ്ഥാന സ്‌പോര്‍ട്‌സ് കൌണ്‍സില്‍ വൈസ് പ്രസിഡന്റായിരുന്നു മേഴ്‌സികുട്ടന്‍. ടി.പി ദാസനായിരുന്നു അധ്യക്ഷ സ്ഥാനത്തുണ്ടായിരുന്നത്. എന്നാല്‍ കായിക നിയമത്തില്‍ ഭേദഗതി വരുത്തിയതു പ്രകാരമണ് കായികതാരമായ മേഴ്‌സികുട്ടനെ അധ്യക്ഷ സ്ഥാനത്തേക്ക് കൊണ്ടു വരുന്നത്. ഈ മാസം 14നാണ് കണ്ണൂരില്‍ നിന്നുള്ള ഒ.കെ വിനീഷിനെ ഐക്യകണ്‌ഠേന വൈസ്പ്രസിഡന്റായി തെരഞ്ഞെടുത്തത്. മുന്‍ ഇന്ത്യന്‍ ഫുട്ബോള്‍ താരവും അര്‍ജുന അവാര്‍ഡ് ജേതാവുമായ ഐ.എം വിജയന്‍, അര്‍ജുന അവാര്‍ഡ് ജേതാവ് ജോര്‍ജ്ജ് തോമസ് എന്നിവരുള്‍പ്പടെ ഏഴംഗ കമ്മിറ്റിയെ നേരത്തെ തെരഞ്ഞെടുത്തിരുന്നു. 1980കളില്‍ ഇന്ത്യയുടെ ഏറ്റവും മികച്ച വനിതാ അത്‌ലറ്റുകളില്‍ ഒരാളായിരുന്നു മേഴ്‌സികുട്ടന്‍. അര്‍ജ്ജുന, ജി.വി രാജ അവാര്‍ഡ് ജേതാവാണ്.

Next Story

Related Stories