TopTop
Begin typing your search above and press return to search.

യുഎസ് ഓപ്പണ്‍ ഫൈനലില്‍ സെറീന വില്ല്യംസ് നവോമി ഒസാക്കയെ നേരിടും

യുഎസ് ഓപ്പണ്‍ ഫൈനലില്‍ സെറീന വില്ല്യംസ് നവോമി ഒസാക്കയെ നേരിടും

യുഎസ് ഓപ്പണ്‍ ടെന്നീസില്‍ വനിതാ വിഭാഗത്തില്‍ ഫൈനലില്‍ സെറീന വില്ല്യംസ് ഇരുപതുകാരിയായ ജപ്പാന്റെ നവോമി ഒസാക്കയെ നേരിടും. നിലവിലെ ഫൈനലിസ്റ്റ് കൂടിയായ പതിനാലാം സീഡ് മാഡിസണ്‍ കീസിനെ നേരിട്ടുള്ള സെറ്റുകളില്‍ അട്ടിമറിച്ചാണ് ജപ്പാന്റെ യുവതാരം ഫൈനലിലേക്ക് മുന്നേറിയത് (സ്‌കോര്‍ :6-2,6-4). ജയത്തോടെ ഗ്രാന്‍ഡ്സ്ലാം ഫൈനലില്‍ എത്തുന്ന ആദ്യ ജപ്പാന്‍ വനിത താരമെന്ന ബഹുമതി ഒസാക്ക നേടി. നേരത്തെ ഉക്രൈയ്നിന്റെ ലെയ്സ സുരെങ്കോയെ സെമിയില്‍ 6-1, 6-1 എന്ന സ്‌കോറിന് തോല്‍പ്പിച്ചാണ് ഒസാക്ക സെമിയിലെത്തിയത്. 57 മിനിറ്റ് മാത്രം നീണ്ട പോരാട്ടത്തില്‍ അനായസമായിട്ടാണ് ഒസാക്ക സുരെങ്കോയെ തറപറ്റിച്ചത്.

പത്തൊമ്പതാം സീഡ് സെവസ്റ്റോവയെ പരജയപ്പെടുത്തിയാണ് സെറീന ഫൈനലില്‍ പ്രവേശിച്ചത്. ആദ്യ സെറ്റ് 6-3 ന് നേടിയ സെറീന രണ്ടാം സെറ്റില്‍ എതിരാളിക്ക് ഒരു ഗെയിം പോലും വഴങ്ങിയില്ല. പുരുഷന്മാരുടെ ഡബിള്‍സ് വിഭാഗത്തില്‍ അമേരിക്കയുടെ മൈക് ബ്രയാന്‍- ജാക്ക് സോക്ക് സഖ്യം ഫൈനലില്‍ പ്രവേശിച്ചു. കുബോട്ട്-മെലോ സഖ്യത്തെയാണ് അമേരിക്കന്‍ ജോഡി ഫൈനലില്‍ നേരിടുന്നത്.

വനിതാ ഡബിള്‍സ് വിഭാഗത്തില്‍ അമേരിക്കയുടെ കോക്കോ വാന്‍ഡവാഗേ അടങ്ങിയ കോക്കോ-ബാര്‍ട്ടി സഖ്യം ഫൈനലില്‍ പ്രവേശിച്ചു. പതിമൂന്നാം സീഡുകളായ ഇവര്‍ രണ്ടാം സീഡുകളായ ബാബോസ്-മ്ലെഡെനോവിച്ച് സഖ്യത്തെയാണ് ഫൈനലില്‍ നേരിടുക. മിക്‌സഡ് ഡിസ്ബിള്‍സില്‍ ജെയ്മി മറെ-മാറ്റക് സാന്റ്‌സ് സഖ്യവും ഫൈനലില്‍ കടന്നിട്ടുണ്ട്. ഇതോടെ പുരുഷ സിംഗിള്‍സില്‍ ഒഴികെ എല്ലാ വിഭാഗത്തിലും അമേരിക്കന്‍ സാന്നിധ്യമായി.


Next Story

Related Stories