TopTop
Begin typing your search above and press return to search.

കാലാവസ്ഥാ വ്യതിയാനം; ഇന്ത്യന്‍ ക്രിക്കറ്റിനെ പ്രതികൂലമായി ബാധിക്കുന്നുവെന്ന് പഠന റിപ്പോര്‍ട്ട്

കാലാവസ്ഥാ വ്യതിയാനം; ഇന്ത്യന്‍ ക്രിക്കറ്റിനെ പ്രതികൂലമായി ബാധിക്കുന്നുവെന്ന് പഠന റിപ്പോര്‍ട്ട്

കാലാവസ്ഥാ വ്യതിയാനം ഇന്ത്യന്‍ ക്രിക്കറ്റിനെ പ്രതികൂലമായി ബാധിക്കുന്നുവെന്ന് പഠനറിപോര്‍ട്ട്. സ്പോര്‍ട്സ് റിസര്‍ച്ചേഴ്സും, എന്‍വിറോന്‍മെന്റല്‍ അക്കാദമിക്സും ഹിറ്റ് ഫോര്‍ സിക്സ് എന്ന പേരിലാണ് റിപ്പോര്‍ട്ട് പുറത്തു വിട്ടത്. വരള്‍ച്ച, ചൂടുകാറ്റ്, പ്രകൃതിക്ഷോഭം എന്നിവ ഇന്ത്യയിലെ ക്രിക്കറ്റിനെ പ്രതികൂലമായി ബാധിക്കുന്നുവെന്നാണ് റിപോര്‍ട്ട് പറയുന്നത്. ക്രിക്കറ്റിന് മാത്രമല്ല, ഇന്ത്യയിലെ മറ്റെല്ലാ കായിക ഇനങ്ങളേയും കാലാവസ്ഥാ വ്യതിയാനം ബാധിക്കുന്നു. ക്രിക്കറ്റിന് ഏറെ പ്രചാരമുള്ള ഇന്ത്യ, ഓസ്ട്രേലിയ എന്നീ രാജ്യങ്ങളില്‍ കാലാവസ്ഥാ വ്യതിയാനം വലിയ പ്രത്യാഘാതം തീര്‍ക്കുമെന്നും മുന്നറിയിപ്പുണ്ട്.

കാലാവസ്ഥാ വ്യതിയാനം മുന്‍ നിര്‍ത്തി മത്സരങ്ങള്‍ മാറ്റി വയ്ക്കുന്നത് ഉള്‍പ്പെടെയുള്ള നിര്‍ദേശങ്ങളുമായി ഹീറ്റ് റൂള്‍സും അവര്‍ മുന്നോട്ടു വയ്ക്കുന്നു. യുവ താരങ്ങളുടെ മേല്‍ പ്രത്യേക ശ്രദ്ധ നല്‍കണമെന്നും, ചൂട് കൂടുന്ന സാഹചര്യത്തില്‍ വായു സഞ്ചാരം കൂട്ടുന്ന നിലയില്‍ കളിക്കാര്‍ക്ക് വേണ്ട വസ്ത്രങ്ങളും മറ്റും തയ്യാറാക്കാന്‍ നിര്‍മാതാക്കളോട് നിര്‍ദേശിക്കണമെന്നും പറയുന്നു.

ചൂടിനെ തുടര്‍ന്ന് ഓസ്ട്രേലിയയില്‍ ഡൊമസ്റ്റിക് മത്സരങ്ങള്‍ തടസപ്പെട്ടു. വെള്ളം ലഭിക്കുന്നതിനുണ്ടായ ദൗര്‍ലഭ്യം സൗത്ത് ആഫ്രിക്കന്‍ ടൂറിനെ ബാധിച്ചു. കനത്ത മഴയും വെള്ളപ്പൊക്കവും ഇംഗ്ലണ്ട് ലോകകപ്പിനെ ബാധിച്ചു. കാലാവസ്ഥാ മാറ്റത്തിന്റെ സൂചനയാണ് ഇവമെയാക്കെ. ചൂട് കൂടുമ്‌ബോള്‍ സമ്മര്‍ദ്ദം കുറയ്ക്കുന്നതിന് സ്വീകരിക്കേണ്ട സുരക്ഷ മുന്നൊരുക്കങ്ങള്‍ സംബന്ധിച്ച മാര്‍ഗനിര്‍ദേശം കൊണ്ടുവരണം എന്ന് റിപ്പോര്‍ട്ടില്‍ ആവശ്യപ്പെടുന്നു. ബാറ്റ്സ്മാനിലും, വിക്കറ്റ് കീപ്പറിലുമാണ് ചൂട് വലിയ പ്രതിസന്ധി തീര്‍ക്കുന്നു. ഇവയെല്ലാം ബാറ്റ്സ്മാന്റേയും, വിക്കറ്റ് കീപ്പറുടേയും മോശം പ്രകടനത്തിലേക്ക് നയിക്കുന്നുവെന്നും റിപ്പോര്‍ട്ടില്‍ പറയുന്നു.


Next Story

Related Stories