TopTop
Begin typing your search above and press return to search.

വിമര്‍ശകര്‍ക്ക് മറുപടി; ബിഗ് ബാഷ് ലീഗില്‍ ഇരട്ട ഹാട്രിക് ദിനം, തിളങ്ങിയത് റാഷിദ് ഖാനും ഹാരിസ് റൗഫും

വിമര്‍ശകര്‍ക്ക് മറുപടി; ബിഗ് ബാഷ് ലീഗില്‍ ഇരട്ട ഹാട്രിക് ദിനം, തിളങ്ങിയത് റാഷിദ് ഖാനും ഹാരിസ് റൗഫും

ബിഗ് ബാഷ് ലീഗില്‍(ബിബിഎല്‍) ബാറ്റും പന്തും തമ്മിലുള്ള ആവേശകരമായ മത്സരങ്ങളാണ് ആരാധകര്‍ക്ക് സമ്മാനിക്കുന്നത്. ഹ്രസ്വമായ ഫോര്‍മാറ്റ് പലപ്പോഴും ഒരു ബാറ്റ്‌സ്മാന്റെ ഗെയിമാണെന്ന് വിമര്‍ശിക്കപ്പെടുമ്ബോഴും മികച്ച പ്രകടനങ്ങളിലൂടെ ചുരുക്കം ചില ബൌളര്‍മാരും തിളങ്ങുന്നുണ്ട്. കഴിഞ്ഞ ദിവസത്തെ മത്സരത്തിലും അത്തരം ചിലത് സംഭവിച്ചു.

അഫ്ഗാനിസ്ഥാന്‍ ലെഗ് സ്പിന്നര്‍ റാഷിദ് ഖാന്‍, പാകിസ്ഥാന്‍ ഫാസ്റ്റ് ബൌളര്‍ ഹാരിസ് റൗഫ് യഥാക്രമം അഡ്‌ലെയ്ഡ് സ്‌ട്രൈക്കേഴ്‌സ് മെല്‍ബണ്‍ സ്റ്റാര്‍സ് എന്നീ ടീമുകള്‍ക്ക് വേണ്ടി ഹാട്രിക് നേടി. ലോകത്തെ വ്യത്യസ്ത ലീഗുകളില്‍ കളിക്കുന്ന റാഷിദ് ഖാന്‍, സിഡ്നി സിക്‌സേഴ്സിനെതിരെയുള്ള മത്സരത്തില്‍ തന്റെ മൂന്നാമത്തെ ടി 20 ഹാട്രിക്ക് നേട്ടമാണ് റാഷിദ് ഖാന്‍ സ്വന്തമാക്കിയത്. രണ്ട് ഓവറുകളിലായി ആയിരുന്നു റാഷിദ് ഖാന്റെ ഹാട്രിക്. പതിനൊന്നാം ഓവറിന്റെ അഞ്ചാം പന്തില്‍ എതിര്‍നിരയുടെ നായകന്‍ ജെയിംസ് വിന്‍സിനെ പുറത്താക്കിയ അദ്ദേഹം പിന്നീട് ജാക്ക് എഡ്വേര്‍ഡ്‌സിനെ ലെഗ്-ബിഫോര്‍ വിക്കറ്റിലൂടെ പുറത്താക്കി. പിന്നീട് 13 ആം ഓവറിന്റെ ആദ്യ പന്തില്‍ തന്നെ ജോര്‍ദാന്‍ സില്‍ക്കിനെ (16) വീഴത്തിയാണ് ഹാട്രിക് പൂര്‍ത്തിയാക്കിയത്. നാല് ഓവറില്‍ 22 ന് 4 വിക്കറ്റ് നേടുകയും ചെയ്‌തെങ്കിലും റാഷിദിന് മത്സരത്തില്‍ സ്വന്തം ടീമിനെ വിജയിപ്പിക്കാന്‍ കഴിഞ്ഞില്ല. റാഷിദിന്റെ സ്‌പെല്‍ 136 റണ്‍സ് പിന്തുടര്‍ന്ന് സിഡ്‌നി സിക്‌സേഴ്‌സിന് ചില നിമിഷങ്ങള്‍ നല്‍കി. ജോഷ് ഹാസ്ല്‍വുഡ് പീറ്റര്‍ സിഡിലിന്റെ ഓവറില്‍ തുടര്‍ച്ചയായി മൂന്ന് ബൗണ്ടറികള്‍ അടിച്ചതോടെ സിഡ്‌നി സിക്‌സേഴ്‌സ് രണ്ട് വിക്കറ്റിന് ജയിച്ചു.


Next Story

Related Stories