TopTop
Begin typing your search above and press return to search.

ബാഴ്‌സയ്ക്ക് പിന്നാലെ കളിക്കാരുടെ പ്രതിഫലം വെട്ടിക്കുറക്കാന്‍ അത്‌ലറ്റിക്കോ മാഡ്രിഡും

ബാഴ്‌സയ്ക്ക് പിന്നാലെ കളിക്കാരുടെ പ്രതിഫലം വെട്ടിക്കുറക്കാന്‍ അത്‌ലറ്റിക്കോ മാഡ്രിഡും

കൊവിഡ് 19 ന്റെ വ്യാപനത്തെ തുടര്‍ന്നുള്ള പ്രതിസന്ധി മറികടക്കാന്‍ കളിക്കാരുടെ പ്രതിഫലം വെട്ടിക്കുറക്കാന്‍ സ്പാനിഷ് ക്ലബായ അത്‌ലറ്റിക്കോ മാഡ്രിഡും. കളിക്കാരുടേയും കോച്ചിങ് സ്റ്റാഫിന്റേയും പ്രതിഫലത്തിന്റെ 70 ശതമാനമാണ് വെട്ടിക്കുറക്കാനാണ് തീരുമാനിച്ചിരിക്കുന്നതെന്ന് കഴിഞ്ഞ ദിവസം ക്ലബ് അധികൃതര്‍ വ്യക്തമാക്കി. ഇത് സംബന്ധിച്ച് അത്‌ലറ്റിക്കോ മാഡ്രിഡ് മാനേജ്മെന്റും കളിക്കാരും തമ്മില്‍ ധാരണയായതായും റിപോര്‍ട്ടുകളുണ്ട്.

ക്ലബിലെ ജോലികള്‍ താത്കാലികമായി നിര്‍ത്തി വെക്കുകയാണ്. കോവിഡ് 19നെ തുടര്‍ന്ന് നേരിട്ട സാമ്പത്തിക ആഘാതത്തെ അതിജീവിക്കുന്നതിനായി കടുത്ത നടപടികള്‍ വേണ്ടിവരുമെന്ന് അത്ലറ്റിക്കോ മാഡ്രിഡ് നേരത്തെ വ്യക്തമാക്കിയിരുന്നു. പ്രതിസന്ധി ഘട്ടം വരുമ്പോള്‍ തൊഴിലാളികളെ പിരിച്ചു വിട്ട് സാമ്പത്തിക ആഘാതം കുറക്കാനും, സ്ഥിതി മെച്ചപ്പെടുമ്പോള്‍ അതേ പൊസിഷനിലേക്ക് അവരെ ജോലിക്കായി തിരികെ എടുക്കാനും സ്പെയ്നില്‍ നിയമമുണ്ട്. ഇതാണ് അത്ലറ്റിക്കോ മാഡ്രിഡ് നടപ്പിലാക്കുന്നത്.

കളിക്കാരുടെ പ്രതിഫലം വെട്ടിക്കുറച്ചതിലൂടെ ലഭിക്കുന്ന തുക ക്ലബിലെ മറ്റ് തൊഴിലാളികള്‍ക്ക് ശമ്പളം നല്‍കുന്നതിനായി ഉപയോഗിക്കും. നേരത്തെ സ്പാനിഷ് ക്ലബായ ബാഴ്സലോണയും സമാനമായ തീരുമാനമെടുത്തിരുന്നു. ഇറ്റാലിയന്‍ വമ്പന്മാരായ യുവന്റ്സും, പ്രീമിയര്‍ ലീഗിലെ പല ക്ലബുകളും കളിക്കാരുടെ പ്രതിഫലം വെട്ടിക്കുറച്ചിരുന്നു.


Next Story

Related Stories