TopTop

ലോക ഹോക്കിയിലെ മികച്ചതാരം; ചരിത്രം സൃഷ്ടിച്ച് ഇന്ത്യയുടെ മന്‍പ്രീത് സിംഗ്

ലോക ഹോക്കിയിലെ മികച്ചതാരം; ചരിത്രം സൃഷ്ടിച്ച് ഇന്ത്യയുടെ മന്‍പ്രീത് സിംഗ്

അന്താരാഷ്ട്ര ഹോക്കി ഫെഡറേഷന്റെ(എഫ്.ഐ.എച്ച്) മികച്ച താരത്തിനുള്ള പുരസ്‌കാരം ഇന്ത്യന്‍ ഹോക്കി ക്യാപ്റ്റന്‍ മന്‍പ്രീത് സിംഗ് സ്വന്തമാക്കി. 1999ല്‍ ഈ പുരസ്‌കാരം ഏര്‍പ്പെടുത്തിയതിന് ശേഷം ഈ അംഗീകാരം ലഭിക്കുന്ന ആദ്യ ഇന്ത്യന്‍ ഹോക്കി താരമെന്ന നേട്ടവും മന്‍പ്രീത് സിംഗ് സ്വന്തമാക്കി. ബെല്‍ജിയത്തിന്റെ ആര്‍തര്‍ വാന്‍ ഡോറന്‍, അര്‍ജന്റീനയുടെ ലൂക്കാസ് വില എന്നിവരെ മറികടന്നാണ് മന്‍പ്രീത് അവാര്‍ഡ് നേടിയത്.

വിവിധ ഹോക്കി അസോസിയേഷനുകള്‍ മാധ്യമപ്രവര്‍ത്തകര്‍, ആരാധകര്‍, കളിക്കാര്‍ തുടങ്ങി വിവിധ മേഖലയിലുള്ളവരുടെ വോട്ടെടുപ്പിനൊടുവിലാണ് മികച്ച താരത്തെ തെരഞ്ഞെടുക്കുന്നത്. മന്‍പ്രീത് സിംഗിന് 35.2 ശതമാം വോട്ടു ലഭിച്ചു രണ്ടാമതെത്തിയ ബെല്‍ജിയത്തിന്റെ ആര്‍തര്‍ വാന്‍ ഡോറന് 19.7 ശതമാനവും മൂന്നാം സ്ഥാനക്കാരന്‍ അര്‍ജന്റീനയുടെ ലൂക്കാസ് വിലക്ക് 16.5 ശതമാനം വോട്ടുകളുമാണ് ലഭിച്ചത്. പുരുഷ, വനിതാ വിഭാഗത്തില്‍ റൈസിംഗ് സ്റ്റാര്‍ ഓഫ് ദ ഇയര്‍ പുരസ്‌കാരവും ഇന്ത്യന്‍ താരങ്ങള്‍ക്കാണ്. പുരുഷവിഭാഗത്തില്‍ വിവേക് സാഗര്‍ പ്രസാദും വനിതാ വിഭാഗത്തില്‍ ലാല്‍റെസിയാമിയുമാണ് ഭാവിയിലെ താരങ്ങളായി തെരഞ്ഞെടുക്കപ്പെട്ടത്.

ഇന്ത്യക്കുവേണ്ടി 260 അന്താരാഷ്ട്ര മത്സരങ്ങള്‍ കളിച്ചിട്ടുള്ള താരമാണ് മന്‍പ്രീത് സിംഗ്. 2011 ലാണ് മന്‍പ്രീത് സിംഗ് ഇന്ത്യയുടെ സീനിയര്‍ ടീമില്‍ അരങ്ങേറിയത്. 2014 ഏഷ്യന്‍ ഗെയിംസ് സ്വര്‍ണ്ണമെഡല്‍ തേവര്‍ഷം തന്നെ കോമണ്‍വെല്‍ത്തില്‍ വെള്ളി 2016, 2018 ചാമ്പ്യന്‍സ് ട്രോഫി വെള്ളി തുടങ്ങി മന്‍പ്രീത് സിംങിന്റെ നേട്ടങ്ങള്‍ നിരവധിയാണ്. 2012 ലണ്ടനിലേയും 2016 റിയോയിലേയും ഒളിംപിക്സ് അടക്കമുള്ള സുപ്രധാന ചാമ്പ്യന്‍ഷിപ്പുകളിലും താരം രാജ്യത്തിനായി കളിച്ചു.


Next Story

Related Stories