TopTop
Begin typing your search above and press return to search.

മികച്ച ക്രിക്കറ്റ് താരം; വിസ്ഡന്‍ പുരസ്‌കാരം നേടി ബെന്‍ സ്റ്റോക്ക്സും എലീസ പെറിയും

മികച്ച ക്രിക്കറ്റ് താരം; വിസ്ഡന്‍ പുരസ്‌കാരം നേടി ബെന്‍ സ്റ്റോക്ക്സും എലീസ പെറിയും

മികച്ച ക്രിക്കറ്റ് താരത്തിനുള്ള വിസ്ഡന്‍ പുരസ്‌കാരം ഇംഗ്ലീഷ് ഓള്‍ റൗണ്ടര്‍ ബെന്‍ സ്റ്റോക്സിന്. ഐസിസിസുടെ പ്ലെയര്‍ ഓഫ് ദി ഇയര്‍ പുരസ്‌കാരവും ബെന്‍ സ്റ്റോക്സിനെ തേടിയെത്തിയിരുന്നു. ഏകദിന ലോകകപ്പിലെയും ആഷസ് പരമ്പരയിലെയും മികച്ച പ്രകടനങ്ങളാണ് സ്റ്റോക്സിനെ പുരസ്‌കാരത്തിനര്‍ഹനാക്കിയത്. ക്രിക്കറ്റിലെ ബൈബിളെന്നു വിശേഷിപ്പിക്കപ്പെടുന്ന വിസ്ഡണ്‍ മാസികയാണ് ലീഡിങ് ക്രിക്കറ്റര്‍ ഓഫ് ദി ഇയര്‍ പുരസ്‌കാരം നല്‍കുന്നത്.

ലോകകപ്പ് ഫൈനലില്‍ മികച്ച താരമായി തിരഞ്ഞെടുക്കപ്പെട്ടതും സ്റ്റോക്സായിരുന്നു. കഴിഞ്ഞ ആഷസ് പരമ്പരയിലെ ഹെഡിങ്‌ലേ ടെസ്റ്റില്‍ ഇംഗ്ലണ്ടിനെ വിജയത്തിലെത്തിച്ച ഇന്നിങ്സിലൂടെ സ്റ്റോക്സ് ക്രിക്കറ്റ് ലോകത്തെ ഞെട്ടിക്കുകയും ചെയ്തിരുന്നു. ടെസ്റ്റ് ചരിത്രത്തിലെ തന്നെ ഏറ്റവും മികച്ച ഇന്നിങ്‌സുകളിലൊന്നെന്നാണ് ഇതു വിലയിരുത്തപ്പെടുന്നത്. മുന്‍ താരം ആന്‍ഡ്രു ഫ്‌ളിന്റോഫിനു ശേഷം വിസ്ഡണ്‍ പുരസ്‌കാരം നേടുന്ന ഇംഗ്ലീഷ് താരം കൂടിയാണ് സ്റ്റോക്സ്. 2005-ല്‍ ആയിരുന്നു ഫ്‌ളിന്റോഫിന്റെ നേട്ടം. കഴിഞ്ഞ മൂന്നുവര്‍ഷമായി ഇന്ത്യന്‍ ടീം നായകന്‍ വിരാട് കോലിയാണ് പുരസ്‌കാരം നേടിയത്. 2005-ല്‍ ആന്‍ഡ്രൂ ഫ്ളിന്റോഫിന് ശേഷം വിസ്ഡന്‍ നേടുന്ന ആദ്യ ഇംഗ്ലീഷ് താരമാണ്. ഓസ്‌ട്രേലിയന്‍ താരം എലീസ പെറിയാണ് വനിതകളില്‍ പുരസ്‌കാരം സ്വന്തമാക്കിയത്. ഇന്ത്യന്‍ താരം സ്മൃതി മന്ഥാനയെ പന്തള്ളിയാണ് എലീസ വനിതകളിലെ മികച്ച താരമായത്. വെസ്റ്റിന്‍ഡീസ് താരം ആന്ദ്രെ റസലാണ് ട്വന്റി-20 യിലെ മികച്ചതാരം.

Next Story

Related Stories