Top

10,000 രൂപയ്ക്ക് താഴെ വാങ്ങാവുന്ന മികച്ച സ്മാർട്ട് ഫോണുകൾ

10,000 രൂപയ്ക്ക് താഴെ വാങ്ങാവുന്ന മികച്ച സ്മാർട്ട് ഫോണുകൾ
സ്മാർട്ട് ഫോണുകൾ രംഗത്ത് തുടക്കക്കാരുടെ ശ്രേണിയാണ് 10,000 രൂപ റേഞ്ച്. കൂടുതലും 40 വയസ് കഴിഞ്ഞവരാണ് ഈ ശ്രേണിയെ ആശ്രയിക്കുന്നതെന്ന് പുതിയ സർവേ സൂചിപ്പിക്കുന്നു. ആവശ്യക്കാരും ഏറെയാണ്. അതുകൊണ്ടുതന്നെ നിരവധി കമ്പനികൾ തങ്ങളുടെ സ്മാർട്ട് ഫോണുകൾ ഈ ശ്രേണിയിൽ പുറത്തിറക്കുന്നുണ്ട്. നിരവധി ചൈനീസ് മോഡലുകളും ഉള്ളതുകൊണ്ടുതന്നെ മികച്ച മോഡൽ തെരഞ്ഞെടുക്കുക പ്രയാസമാകും. 10,000 രൂപ റേഞ്ചിൽ സ്മാർട്ട്ഫോൺ വാങ്ങാൻ ഉദ്ദേശിക്കുന്നവർക്ക് ഉപയോഗപ്രദമാകും ഈ ലേഖനം. മികച്ച ഫോണുകൾ ഏതൊക്കെയാണെന്ന് അറിയാം.



റിയൽമി 1



എൻട്രി ലെവൽ സെഗ്മെൻറായ 10,000 രൂപ സ്മാർട്ട് ഫോൺ ശ്രേണി ഏറെക്കാലമായി അടക്കി വാണിരുന്നത് ഷവോമി ബ്രാൻഡാണ്. എന്നാൽ അവർക്ക് തിരിച്ചടി എന്നോണം അന്താരാഷ്ട്ര തലത്തിൽ വിപണി കീഴടക്കിയിരിക്കുകയാണ് ഓപ്പോയുടെ സബ് ബ്രാൻഡായ റിയൽമി. സെഗ്മെൻറില മികച്ച ബഡ്ജറ്റ് ഫോണായാണ് ഈ മോഡലിനെ അന്താരാഷ്ട്ര തലത്തിൽ ടെക്ക് മാധ്യമങ്ങൾ വിലയിരുത്തുന്നത്. ബാറ്റി ലൈഫിലും പ്രോസസ്സിംഗ് സ്പീഡിലും റിയൽമി മുന്നിട്ടു നിൽക്കുന്നു.

3 ജി.ബി/4 ജി.ബി വേരിയൻറുകളിൽ റിയൽമി 1 ലഭ്യമാണ്. 1080x2160 പിക്സൽ റസലൂഷനുള്ള ആറ് ഇഞ്ച് ടച്ച് സ്ക്രീനാണ് ഫോണിനുള്ളത്. 2 ജിഗാഹെർട്സാണ് പ്രോസസ്സർ. 13 മെഗാപിക്സൽ പിൻ കാമറയും 8 മെഗാപിക്സൽ മുൻ കാമറയുമുണ്ട്. ആൻഡ്രോയിഡ് 8.0 ഓപ്പറേറ്റിംഗ് സിസ്റ്റത്തിലാണ് ഫോൺ പ്രവർത്തിക്കുന്നത്.

വില – 3 ജി.ബി റാം (8,999 രൂപ)

               4 ജി.ബി റാം (10,999 രൂപ)



ഷവോമി റെഡ്മി നോട്ട് 5



റിയൽമി 1ന് തൊട്ടു പിന്നാലെയുണ്ട് ഷവോമിയും. ഷവോമി നോട്ട് 5 പ്രോ പുറത്തിറങ്ങുന്നതിന് തൊട്ടു മുൻപുവരെ സ്റ്റാറായിരുന്ന നോട്ട് 5 ഇപ്പോൾ 10,000 ശ്രേണിയിൽ രണ്ടാമതായുണ്ട്. ശ്രേണിയിലെ മികച്ച കാമറയും ഡിസ്പ്ലേ കരുത്തും ഈ മോഡലിനുണ്ട്. 4000 മില്ലി ആംപെയറാണ് ബാറ്ററി കരുത്ത്. 3 ജി.ബി/ 4 ജി.ബി വേരിയൻറുകളിൽ ഫോൺ ലഭിക്കും. 32/64 ജി.ബിയാണ് ഇൻറേണൽ മെമ്മറി.
വില - 3 ജി.ബി റാം (9,999 രൂപ)

              4 ജി.ബി റാം (11,999 രൂപ)



ലെനോവോ കെ 8 പ്ലസ്



മിഡിയാ ടെക്ക് ഹീലിയോ പ്രോസസ്സറുമായെത്തിയ ലെനോവോയുടെ കരുത്തൻ മോഡലാണ് കെ 8 പ്ലസ്. കാമറ ക്വാളിറ്റി മാറ്റിനിർത്തിയാൽ മികച്ച അഭിപ്രായമാണ് മോഡലിനുള്ളത്. 3 ജി.ബി റാമും 32 ജി.ബി ഇൻറേണൽ മെമ്മറിയും ഫോണിന് കരുത്തു പകരുന്നുണ്ട്. 13 മെഗാപിക്സൽ പിൻ കാമറയും 8 മെഗാപിക്സൽ മുൻ കാമറയുമാണ് ലെനോവോ കെ 8 പ്ലസ്സിലുള്ളത്.

വില – 9,999 രൂപ




മോട്ടോ ജി5 എസ്



ലെനോവോയുടെ തന്നെ ബ്രാൻഡായ മോട്ടോ തന്നെയാണ് പിന്നാലെയുള്ളത്. ബിൾഡ് ക്വാളിറ്റിയിൽ മിടുക്കനാണ് ലെനോവോ. ആൻഡ്രോയിഡ് 7.1.1 ഓപ്പറേറ്റിംഗ് സിസ്റ്റം അധിഷ്ഠിതമായി പ്രവർത്തിക്കുന്ന ജി 5 ന് 4 ജി.ബി റാമുണ്ട്. 1.4 ജിഗാഹെർട്സാണ് പ്രോസസ്സർ സ്പീഡ്. അലുമിനിയം ഡിസൈനും മികച്ചതാണ്. 13,999 രൂപയ്ക്കാണ് ഫോൺ പുറത്തിറങ്ങിയത്. ഇപ്പോൾ 10,000 രൂപയ്ക്ക് താഴെ ലഭിക്കും.

https://www.azhimukham.com/viral-vayicho-mexican-airline-aeromexico-20pc-off-flighttickets-mexicocity/

https://www.azhimukham.com/technology-i-ball-slide-imprint-4g-tablet-with-aadhaar-certified-fingerprint-sensor/

https://www.azhimukham.com/technology-oppo-findx-now-in-market/

https://www.azhimukham.com/technology-gadget-jabra-elite-65e-active-65t-price-india-launch/

https://www.azhimukham.com/viral-vayicho-mexican-airline-aeromexico-20pc-off-flighttickets-mexicocity/

Next Story

Related Stories