UPDATES

ട്രെന്‍ഡിങ്ങ്

ഹിന്ദു ദൈവങ്ങളുടെ ചിത്രം പതിച്ച ടോയ്ലറ്റ് സീറ്റുകൾ വിൽപനയ്ക്ക്; ആമസോൺ ബഹിഷ്കരിക്കാൻ ആഹ്വാനം

വിഷയം കേന്ദ്രസര്‍ക്കാരിന്റെ ശ്രദ്ധയില്‍പ്പെടുത്തുന്നതിനായി വിദേശകാര്യമന്ത്രി സുഷമസ്വരാജിനെ ടാഗ് ചെയ്തുമാണ് ബഹിഷ്കരണാഹ്വാനം മുന്നോട്ട് പോവുന്നത്.

ഹിന്ദു ദൈവങ്ങളുടെ ചിത്രം പതിച്ച ടോയ്‌ലെറ്റ് സീറ്റുകള്‍, ചവിട്ടികള്‍ തുടങ്ങിയവ വെബ്‌സൈറ്റില്‍ വിൽപനയ്ക്ക് വച്ച സംഭവത്തിൽ ഓൺലൈൻ വ്യാപാര വെബ് സൈറ്റായ ആമസോണിനെതിരെ ബഹിഷ്‌കരണ കാമ്പയിന്‍. സാമൂഹിക മാധ്യമങ്ങളില്‍ ഉൾപ്പെടെ വ്യാപക വിമർശനം നേരിടുന്നതിന് പിന്നാലെണ് ആമസോണിനെ ബഹിഷ്കരിക്കണമെന്ന ആവശ്യവും ശക്തമാവുന്നത്.

ട്വിറ്ററിൽ വൻ പിന്തുണയാണ് ബോയ്‌ക്കോട്ട് കാമ്പയിന് ലഭിക്കുന്നത്. ഹിന്ദു ദൈവങ്ങളുടെ ചിത്രം പതിച്ച ടോയ്‌ലെറ്റ് സീറ്റുകള്‍, ചവിട്ടികള്‍ തുടങ്ങിയവ വെബ്‌സൈറ്റില്‍ വിൽ‌വനയ്ക്ക് വച്ചതായി അന്താരാഷ്ട്ര വാർത്താ ഏജൻസിയായ റോയിട്ടേഴ്‌സാണ് ആദ്യം റിപ്പോർട്ട് ചെയ്തത്.

അതേസമയം, ആമസോണിന്റെ നടപടി ഹിന്ദു ദൈവങ്ങളെ അപമാനിക്കുന്നതാണെന്നാണ് പ്രധാന ആരോപണം. വിഷയം കേന്ദ്രസര്‍ക്കാരിന്റെ ശ്രദ്ധയില്‍പ്പെടുത്തുന്നതിനായി വിദേശകാര്യമന്ത്രി സുഷമസ്വരാജിനെ ടാഗ് ചെയ്തുമാണ് ബഹിഷ്കരണാഹ്വാനം മുന്നോട്ട് പോവുന്നത്. കേന്ദ്രസര്‍ക്കാരിന്റെ ശ്രദ്ധയില്‍പ്പെടുത്തുതയാണ് ഇതിലൂടെ ഇവർ ലക്ഷ്യമാക്കുന്നത്. എന്നാല്‍ പ്രതിഷേധത്തെ തുടര്‍ന്ന് ഇതിനോടകം തന്നെ ചില ഉത്പന്നങ്ങള്‍ സൈറ്റില്‍ നിന്ന് പിന്‍വലിക്കപ്പെട്ടിട്ടുണ്ട്. പലതും വാങ്ങാന്‍ ലഭ്യമല്ലെന്നും പുതിയ റിപ്പോർട്ടുകൾ ചൂണ്ടിക്കാട്ടുന്നു.

നേരത്തെ 2017ല്‍ ഇന്ത്യന്‍ പതാകയുടെ ചിത്രം പതിച്ച ചവിട്ടി ആമസോണിന്റെ ഓണ്‍ലൈനില്‍ 2017ല്‍ വില്‍പനയ്ക്കു വെച്ചത് വലിയ വിവാദങ്ങള്‍ക്ക് വഴിവെച്ചിരുന്നു. അന്ന് വിദേശ കാര്യമന്ത്രി സുഷമ സ്വരാജ് വിഷയത്തില്‍ ഇടപെടുകയും ഇത്തരത്തിലുള്ള എല്ലാ ചവിട്ടികളും പിന്‍വലിച്ച് ആമസോണ്‍ മാപ്പ് പറയണമെന്നാവശ്യപ്പെട്ടിരുന്നു. ആമസോണ്‍ മാപ്പ് പറഞ്ഞതിനെ തുടര്‍ന്നാണ് അന്ന് ബോയ്‌ക്കോട്ട് കാമ്പയിന്‍ നിലച്ചത്. ആമസോണ്‍ ജീവനക്കാരുടെ വിസ പിന്‍വലിക്കുമെന്ന മുന്നറിയിപ്പുൾപ്പെടെയായിരുന്നു അന്ന് സുഷമാ സ്വരാജ് നൽകിയത്.

Also Read- ക്രെഡിറ്റ് തട്ടാന്‍ ഇടതും വലതും തിരിഞ്ഞു തല്ലുന്ന സൈബര്‍ പോരാളികളേ, ആള്‍ക്കൂട്ടം തല്ലിക്കൊന്ന മധുവിന്റെ സഹോദരി പഠിച്ചും പരീക്ഷ എഴുതിയുമാണ് പോലീസ് ആയത്

മോസ്റ്റ് റെഡ്


എഡിറ്റേഴ്സ് പിക്ക്


Share on

മറ്റുവാര്‍ത്തകള്‍