UPDATES

വായന/സംസ്കാരം

ഈ ലോകത്ത് ഹാപ്പിയായിരിക്കാന്‍ വിഡ്ഢിക്ക് മാത്രമെ കഴിയൂവെന്ന് അരുന്ധതി റോയ്: “വലിയ യുദ്ധങ്ങള്‍ക്കായി ഞാന്‍ ഊര്‍ജ്ജം സംഭരിക്കുന്നു”

എഴുത്തുരീതികളെക്കുറിച്ചും ബന്ധങ്ങളെക്കുറിച്ചുമാണ് അരുന്ധതി അഭിമുഖത്തില്‍ പറയുന്നത്

ഇക്കാലത്ത് ഹാപ്പിയായിരിക്കാന്‍ ഒരു വിഡ്ഢിക്ക് മാത്രമെ കഴിയുവെന്ന് എഴുത്തുകാരി അരുന്ധതി റോയ്. പ്രിയ എ എസ്സുമായി നടത്തിയ സംഭാഷണത്തിലാണ് അരുന്ധതി റോയ് തന്റെ എഴുത്തിനെക്കുറിച്ചും അമ്മ മേരി റോയിയുമായുള്ള ബന്ധത്തെ കുറിച്ചും തുറന്നുപറയുന്നത്. വനിതയിലാണ് അരുന്ധതി റോയിയും അവരുടെ വിവര്‍ത്തക കൂടിയായ പ്രിയ എ എസ്സുമായുള്ള സംഭാഷണം പ്രസിദ്ധീകരിച്ചിരിക്കുന്നത്.

ചിരി മായാറില്ലല്ലോ എന്ന പ്രിയയുടെ ചോദ്യത്തിന് അരുന്ധതി നല്‍കുന്ന ഉത്തരം ഇങ്ങനെ: ഒരു പക്ഷെ ഞാനും മറ്റൊരു ലോകത്തായിരിക്കും ജീവിക്കുന്നത്. ‘അറ്റ്‌മോസ്റ്റി’ലെ അഞ്ജുമിനെ പോലെ, ഞാനിപ്പോഴും ഹാപ്പിയാണോ എന്ന ചോദിച്ചാല്‍ ഇക്കാലത്ത് ലോകത്ത് ഒരു വിഡ്ഢിക്ക് മാത്രമെ അങ്ങനിരിക്കാന്‍ പറ്റൂ. ( അരുന്ധതിയുടെ കഴിഞ്ഞവര്‍ഷം പ്രസിദ്ധീകരിച്ച മിനിസ്ട്രീ ഓഫ് അറ്റ്‌മോസ്റ്റ് ഹാപ്പിനസ്സിലെ പ്രധാന കഥാപാത്രമാണ് അഞ്ജും)
ഞാന്‍ എന്റെ ഊര്‍ജ്ജം വലിയ യുദ്ധങ്ങള്‍ക്കായി സ്വരുക്കൂട്ടി വച്ചിരിക്കയാണ്. പക്ഷെ ഒരു കാര്യം പറയണമെന്നു തോന്നിയാല്‍ അതുള്ളില്‍ കെട്ടിപ്പുട്ടി വെച്ചിരിക്കാന്‍ എനിക്ക് പറ്റില്ല.’
ഇത്തരം സ്വഭാവം എനിക്ക് കിട്ടിയത് അമ്മയില്‍നിന്നായിരിക്കാമെന്നും അരുന്ധതി റോയ് പറഞ്ഞു.

‘ഗോഡ് ഓഫ് സ്‌മോള്‍ തിങ്‌സ്’ ഇംഗ്ലീഷിലും മലയാളത്തിലും കണ്ടാണ് എഴുതിയതെന്ന് പറഞ്ഞ അരുന്ധതി മിനിസ്ട്രി ഓഫ് അറ്റ്‌മോസ്റ്റ് ഹാപ്പിനെസ്സ് എന്നത് ഉറുദു പുസ്തകമാണെന്നും പറഞ്ഞു. ഓടേ തമ്പുരാനില്‍നിന്നുളള പല കാര്യങ്ങളും അറിയാതെ തന്നെ അറ്റ്‌മോസ്റ്റ് ഹാപ്പിനെസ്സില്‍ കടന്നുകൂടിയിട്ടുണ്ടെന്നും പറഞ്ഞു.

അമ്മ മേരി റോയിയുമായുള്ള ബന്ധത്തെക്കുറിച്ചും അരുന്ധതി വിശദീകരിച്ചു. അമ്മയുമായി സാധാരണ ബന്ധം ഉണ്ടായിട്ടില്ലെന്ന് പറഞ്ഞ അരുന്ധതി റോയ് അവരുമായുള്ള ബന്ധം സംഘര്‍ഷഭരിതമായ ബന്ധം അത്ഭുതകരമായാണ് തുടരുന്നതെന്നും പറഞ്ഞു. അമ്മയെ പോലെ ക്ഷോഭവും ബ്രില്യന്‍സും ജീനിയസും വേണ്ടത് വേണ്ടിടത്ത് ഉപയോഗിക്കുന്ന സ്ത്രീകളെ കണ്ടിട്ടില്ലെന്നും അവര്‍ പറഞ്ഞു. കുടുംബം ബന്ധങ്ങള്‍ എന്നീ സ്ഥാപിതാചാരങ്ങളില്‍ ഒരു വിശ്വാസവുമില്ലെന്നും അരുന്ധതി വിശദീകരിച്ചു. നേരത്തെ ചെറുകഥകള്‍ എഴുതിയിട്ടുണ്ടെന്ന് വെളിപ്പെടുത്തിയ അരുന്ധതി ആദ്യം ചെയ്ത പെയിന്റിങ് ശബരിമല വേഷത്തില്‍ കണ്ട തന്റെ ആദ്യ ജീവിത പങ്കാളി ജെറാള്‍ഡിനെയായിരുന്നുവെന്നും പറഞ്ഞു. കേരളത്തിലേക്ക് സ്ഥിരമായി വരുമോ എന്ന ചോദ്യത്തിന് വരുമായിരിക്കും, അതങ്ങനെയല്ലാതെ വരില്ലല്ലോ എന്നായിരുന്നു മറുപടി. അരുന്ധതി റോയിയുടെ ആദ്യ നോവലായ ഗോഡ് ഓഫ് സ്‌മോള്‍ തിങ്ങ്‌സിന്റെ മലയാള പരിഭാഷ നിര്‍വഹിച്ചത് പ്രിയ എഎസ്സായിരുന്നു.

 

മോസ്റ്റ് റെഡ്


എഡിറ്റേഴ്സ് പിക്ക്


Related news


Share on

മറ്റുവാര്‍ത്തകള്‍