TopTop
Begin typing your search above and press return to search.

'ഒരേ കണ്ണാല്‍...' ; പ്രണയനായകനായി ടൊവീനോ എത്തുന്ന ലൂക്കയിലെ ആദ്യ ഗാനം കാണാം

ടൊവീനോ തോമസ് ടൈറ്റില്‍ കഥാപാത്രത്തെ അവതരിപ്പിക്കുന്ന 'ലൂക്ക'യിലെ ആദ്യ വീഡിയോ ഗാനം പുറത്ത് വിട്ടു. 'ഒരേ കണ്ണാല്‍' എന്ന് തുടങ്ങുന്ന ഗാനം എഴുതിയിരിക്കുന്നത് മനു മഞ്ജിത്ത് ആണ്. സംഗീതം സൂരജ് എസ് കുറുപ്പ്. നന്ദഗോപന്‍, അഞ്ജു ജോസഫ്, നീതു നടുവത്തെട്ട്, സൂരജ് എസ് കുറുപ്പ് എന്നിവര്‍ ചേര്‍ന്ന് പാടിയിരിക്കുന്നു.

കലാകാരനും സ്‌ക്രാപ്പ് ആര്‍ട്ടിസ്റ്റുമാണ് ലൂക്കയില്‍ ടൊവീനോ അവതരിപ്പിക്കുന്ന നായകന്‍. നവാഗതനായ അരുണ്‍ ബോസ് ആണ് സംവിധാനം. അരുണിനൊപ്പം മൃദുല്‍ ജോര്‍ജ് കൂടി ചേര്‍ന്നാണ് തിരക്കഥ ഒരുക്കിയിരിക്കുന്നത്. ഛായാഗ്രഹണം നിമിഷ് രവി. അന്‍വര്‍ ഷരീഫ്, നിതിന്‍ ജോര്‍ജ്, വിനീത കോശി, ജാഫര്‍ ഇടുക്കി, പൗളി വല്‍സന്‍ എന്നിവര്‍ മറ്റ് കഥാപാത്രങ്ങളെ അവതരിപ്പിക്കും. സെഞ്ചുറി ഫിലിംസ് വിതരണം ചെയ്യുന്ന ചിത്രം അടുത്ത മാസം തീയേറ്ററുകളിലെത്തും.  സലിം അഹമ്മദിന്റെ സംവിധാനത്തിൽ ഒരുങ്ങുന്ന ആൻഡ് ദ ഓസ്കാർ ഗോസ് ടു’ ആണ് ടോവിനോയുടെ റിലീസിനൊരുങ്ങുന്ന മറ്റൊരു ചിത്രം.

Next Story

Related Stories