TopTop
Begin typing your search above and press return to search.

പുരാതന റോമൻ നഗരത്തിൽ നിന്ന് ജീനിയണിഞ്ഞ കുതിരകളുടെ അവശിഷ്ടങ്ങൾ ഉദ്ഘനനം ചെയ്തെടുത്തു

പുരാതന റോമൻ നഗരത്തിൽ നിന്ന് ജീനിയണിഞ്ഞ കുതിരകളുടെ അവശിഷ്ടങ്ങൾ ഉദ്ഘനനം ചെയ്തെടുത്തു
പുരാതന റോമൻ നഗരമായ പോംപോയിയിൽ നിന്നും കുതിരകളുടെ അവശിഷ്ടങ്ങൾ ഉദ്ഘനനം ചെയ്തെടുത്തു. കുതിരക്കോപ്പുകളണിഞ്ഞ നിലയിലാണ് ഇവയെന്നതാണ് ശ്രദ്ധേയം. പോംപെയി ആർക്കിയോളജിക്കൽ വിഭാഗമാണ് ഈ ഉദ്ഘനനം നടത്തുന്നത്. പോംപെയിയിലെ ഒരു പുരാതനമായ വീടിന്റെ കുതിരാലയത്തിന്റെ അവശിഷ്ടങ്ങളിലാണ് ഉദ്ഘനനം നടന്നത്.

ഉയർന്ന റാങ്കിലുള്ള സൈനികോദ്യോഗസ്ഥർ ഉപയോഗിച്ചതായിരുന്നു ഈ വീടെന്ന് അതിന്റെ നിർമാണശൈലി വെച്ച് പറയാമെന്ന് പോംപെയി ആർക്കിയോളജിക്കൽ വിഭാഗത്തിന്റെ തലവൻ മാസ്സിമോ ഒസന്ന പറയുന്നു. പുരാതന റോമാ രാജ്യത്തിലെ ഈ അവശിഷ്ടങ്ങളുടെ കാലപ്പഴക്കം രണ്ടായിരത്തിലധികം വർഷങ്ങളായിരിക്കാം എന്നാണ് അനുമാനം. ക്രിസ്തുവിനു ശേഷം എഴുപത്തൊമ്പതാമാണ്ടിലുണ്ടായ ഒരു അഗ്നിപർവ്വത സ്ഫോടനത്തിലാണ് ഈ നഗരം നാശമായത്. അഗ്നിപർവ്വതം സജീവമായതിനെ തുടർന്നുണ്ടായ പുകപടലങ്ങളിൽ കുടുങ്ങി ശ്വാസം മുട്ടിയോ ചൂടേറ്റോ ആകാം കുതിരകൾ മരിച്ചതെന്നാണ് അനുമാനം.

കഴിഞ്ഞ നൂറ്റാണ്ടിന്റെ ആദ്യവർഷങ്ങളിൽ തന്നെ ഈ പ്രദേശത്ത് ഉദ്ഘനനം നടന്നിരുന്നതാണ്. ഉദ്ഘനനത്തിനു ശേഷം ശാസ്ത്രീയമായ രീതിയിൽ മൂടുകയും ചെയ്തിരുന്നു.

Next Story

Related Stories